Insjrieve optoch 2026 kint op 2, 3 of 4 fibberwarie perseunlik bie Kefee – Beugelbaan Braam oppe Dokter Leursziesjtraot 20 of via dees site. Ophaole en óngerteikening formeleer en optoch nómmer mót perseunlik op baove geneumde daag tösse 19.00 en 21.00 oer. Geer krieg van ós ‘t reglement en ein optochnómmer, det nómmer mót geer duudelik zichbaar drage op ein bordje, of oppe rögk of örges angers wó-se good te zeen zeen. Det nómmer is ouch van belang veur de zjuurie, die langs de route sjteit en edere deilnaemer mit punte be-oordeilt, want in de Remunjse Optoch kint geer sjoon prieze winne. De Optoch is verdeilt in 5 kategorieje, namelik Wages, Grote Groepe 7 en meer persone, Klein Groepe 3 toet 6 persone, Duo’s en Einzelgengers. D’r zeen priese veur de beste 3 van edere kategorie. De zjuurie be-oordeilt op veursjtelling, oetveuring en orsjienalieteit en euver de oetsjlaag velt neet te diskusjeere.
Geer kin uch HIEJ noe al online insjrieve veur de Optoch 2026
Minderbroederssingel geit oppe sjöp.
De Minderbroederssingel is aafgesjlaote en NEET te gebroeke es doorgaonde waeg en opsjtelplaats veur kleine en grote wages van de optoch. Hieveur is ALLEIN de Bisschop Lindanussingel te gebroeke. Opsjtelle, in optoch richting, oppe rechterbaan en de linkerbaan VRIEJHAJE om te manoeuvrere. Veldjmuus en Dn Uul zeen de innigste die de Veursjtad/De Ster gebroeke. De rotonde bie Brugman VRIEJHAJE en waerd allein gebroek op aanwiezing van ‘t Optoch Commietee (OC).
Wiejer waert de veursjtad NEET gebroek.
Einzelgengers, duo’s, kleine en grote groepe kinne geweun rondjóm de rotonde en Roerkade wachte toet ze aan de beurt zeen en dan insjuve.
Volg de aanwiezinge van ‘t OC, handhaving, pliesse en/of brandjwaer.
Route Optoch
