Insjrieve optoch 2026 kint op 2, 3 of 4 fibberwarie perseunlik bie kefee Willems oppe Godsweerdersingel of via dees site. Ophaole en óngerteikening formeleer en optoch nómmer mót perseunlik op baove geneumde daag. Geer krieg van ós ‘t reglement en ein optochnómmer, det nómmer mót geer duudelik zichbaar drage op ein bordje, of oppe rögk of örges angers wó-se good te zeen zeen. Det nómmer is ouch van belang veur de zjuurie, die langs de route sjteit en edere deilnaemer mit punte be-oordeilt, want in de Remunjse Optoch kint geer sjoon prieze winne. De Optoch is verdeilt in 5 kategorieje, namelik Wages, Grote Groepe 7 en meer persone, Klein Groepe 3 toet 6 persone, Duo’s en Einzelgengers. D’r zeen priese veur de beste 3 van edere kategorie. De zjuurie be-oordeilt op veursjtelling, oetveuring en orsjienalieteit en euver de oetsjlaag velt neet te diskusjeere.

Route Optoch